Utskriftsversion
- Vastavakkoilu, joka tarkottaa ette estää ja ilmiantaa vakkoilua ja luatonta tiottamistoimintaa.
- Vastaterrorismi, joka tarkottaa ette estää ja ilmiantaa terrosrismiä Ruottia vasthaan eli vasthaan ulkomaalaisia intressiä maassa, terroristitekoja muissa maissa ja kansanvälisitten terroristiverkostoitten essiintymistä Ruottissa.
- Lainsuoja, joka tarkottaa ette eistää ja ilmiantaa laitonta toimintaa jonka tarkotus oon ette väkivallala, uhkauksila eli pakottamalla tehä poliittista voittoa eli estää kansalaisia käyttämästä heän perustuslaissa määrättyjä vaphauksia ja oikeuksia.
- Turvalisuussuoja, joka oon neuonantamista semmosille viranomhaisille joita turvalisuuslainsäätäntö koskee ja kans semmositten viranomhaisitten kontro-leeraamista.
- Henkilöturva, joka koskee valvomis- ja turvalisuustyötä näile: keskheinen valtiojohto, kuninkasperhe, ulkomaalainen diplomaattinen pärsonaali ja sammaa työtä valtionvierailuila ja semmosissa tapahtumissa.
Turvalisuuspoliisin töihiin kuuluu kans ette estää joukkotuhoasseitten leviämistä. Met toimima kans muitten poliisiviranomhaisitten tukena. Meilä oon Pommidaatta sentteri/ Bomb Data Center ja färikuvalaboratuuri ja meilä oon tekniikkaa salhaista telefooni-kuuntelemista ja teelevalvontaa varten.
Organisasjuuni
Turvalisuuspoliisi oon hallituksen alhainen viranomhainen. Meilä oon omat ohjeet mitenkä toimia, oma generaalidirektööri ja omat rahat hallitukselta. Samala met kuuluma Valtionpoliisinhallituksheen, jossa met olema ittenhäinen osa.
Nuin 1 000 henkeä oon töissä Turvalisuuspoliisissa. Usseimat oon Stockholmissa. Mutta joitaki oon viiessä eri alue-osastossa eri puolila maata. Turvalisuuspoliisin töissä oon muumuassa jyristiä, analyyttikkeriä, ekonoomia, teknikkeriä ja administratööriä. Nuin 55:llä prosentilla työntekiöistä oon poliisikoulutus.
Toiminta kahela tasola
Turvalisuuspoliisin toiminta oon organiseerattu kahele tasole, johtotaso jolla oon laitoskanslii tukena ja osastotaso. Laitosta johtaa generaalidirektööri, sen siihainen ja viis johtavaa virkamiestä. Johtoa tukkee laitoskanslii jossa oon yheksän eri toimea. Turvalisuuspoliisin juokseva toiminta oon jaettu seittemhääntoista (17) eri osasthoon.
Turvalisuuspoliisi maassa
Net rikokset joita Turvalisuuspoliisin pittää estää, estää eeltäkäsin ja ilmiantaa saattava tapahtua missä vain koko maassa. Sillä meilä oonki toimintaa koko Ruottissa. Toiminta oon organiseerattu sillämallin ette meilä oon viis aluheelista osastoa ympäri maata. Jokhainen osasto vastaa Turvalisuuspoliisin toiminasta tietyissä läänissä. Niissä läänissä osastot tekevät enniiten työtä kontakti- ja tiottamistoiminan kans.
Aluheeliset osastot oon:
- Pohjonen, johon kuuluvat Västernorrlandin, Jämtlandin, Västerbottenin ja Norrbottenin läänit.
- Ylempi keski, johon kuuluvat Uppsalan, Stockholmin, Gotlandin, Västmanlandin, Dalarnin ja Gävleborgin läänit.
- Alempi keski, johon kuuluvat Jönköpingin, Södermanlandin, Östergötlandin, Värmlandin ja Örebron läänit.
- Länsi, johon kuuluvat Hallandin ja Västra Götalandin läänit.
- Etelä, johon kuuluvat Kronobergin, Kalmarin, Blekingen ja Skånen läänit.
Ota kontaktia
Tel: 010-568 70 00 (ympäri vuorokauen)
Faksi: 010-568 70 10
E-posti: sakerhetspolisen@sakerhetspolisen.se
Postiosote: Säkerhetspolisen, Box 12312, 102 28 Stockholm
Käyntiosote: Polhemsgatan 30, Stockholm
Kontaktitiot aluheelisille osastoile
Jokhaisheen aluheelisheen osasthoon kuuluu monta lääniä, mutta niilä oon kaikila pääkontturi jossaki aluheen isomista kaupunkista. Kontaktin heän kans saat pääkontturin kautta.
Pohjonen
Postiosote:Säkerhetspolisen, Box 31 43, 903 04 Umeå
Käyntiosote: Ridvägen 10, Umeå
Tel: 010-568 94 00 (kl. 9-12 ja 13-15), 010-568 70 00 (ympäri vuorokauen)
Faksi: 010-568 94 80
E-posti: enhet.norr@sakerhetspolisen.se
Ylempi keski
Postiosote: Rikspolisstyrelsen, Box 3102, 750 03 Uppsala
Käyntiosote: Svartbäcksgatan 49, Uppsala
Tel: 010-568 93 00 (kl. 9-12 ja 13-15), 010-568 70 00 (ympäri vuorokauen)
Faksi: 018-16 89 15
E-posti: enhet.ovremellersta@sakerhetspolisen.se
Alempi keski
Postiosote: Rikspolisstyrelsen, Box 1734, 701 17 Örebro
Käyntiosote: Järnvägsgatan 3, Örebro
Tel: 010-568 90 00 (kl. 9-12 ja 13-15), 010-568 70 00 (ympäri vuorokauen)
Faksi: 019-15 60 16
E-posti: enhet.nedremellersta@sakerhetspolisen.se
Länsi
Postiosote: Rikspolisstyrelsen, Box 81, 401 21 Göteborg
Käyntiosote: Stampgatan 28, Göteborg
Tel: 010-568 85 00 (kl. 9-12 ja 13-15), 010-568 70 00 (ympäri vuorokauen)
Faksi: 010-568 85 01
E-posti: enhet.vast@sakerhetspolisen.se
Etelä
Postiosote: Rikspolisstyrelsen, Box 17596, 200 10 Malmö
Käyntiosote: Storgatan 43, Malmö
Tel: 040-20 33 00 (kl. 9-12 ja 13-15), 010-568 70 00 (ympäri vuorokauen)
Faksi: 040-23 96 29
E-posti: enhet.syd@sakerhetspolisen.se
Anna tipsiä Turvalisuuspoliisille
Sie saatat antaa tipsiä Turvalisuuspoliisille. Jos sulla oon tietoja joista uskot ette meilä oon hyötyä meän toiminassa, met halvaama ette sie otat kontaktia meihiin. Sie saatat soittaa, lähättää e-postia eli käyttää sitä blankettia joka meilä oon ruottin kielisillä ja engelskan kielisillä osila webpaikasta. Sie saat tietenki olla anonyymi. Jos satat jättää omat kontaktitiot, met olema kiitolisia siittä jos met tarttema sulta lisätietoja. Sinun kontaktitiot käsitelhään luottamuksela. Tipsit saat antaa millä kielelä halvaat.
Tästä tipsiblanketti engelskaksi
Tästä tipsiblanketti ruottiksi
Saatat kans antaa tipsiä näin:
- E-posti: sakerhetspolisen@sakerhetspolisen.se
- Tel: 010-568 70 00
